下一步怎樣走? 星期三LANG1491同學聚會，再臨佐敦山林道食日本料理。 嚮山林道見到一間鋪頭的玻璃櫃內，有一隻貓站崗，我們停留十分鐘期間， 牠幾乎動也不動，就是蹲在那兒。突然，貓兒伸個懶腰，然後行出玻璃櫃， 我們打趣說牠「收工落更」，望一望錶 . . . 十點正，唔係真係咁醒嘛?~ 星期四晚與阿榮、Checky、張生、Christ和Beatrice食牛下邨大排檔， 叫左個避風塘茄子，辣到大家叫救命，哈哈，唔好意思。 「浪卡近距離吹近香港, 天文台預測失準, 呢幾天天氣預報, 科學主任或高級科學主任, 次次都話向北或西北偏北, 睇預測路徑圖, 就係要晝到唔近香港, 如果真係, 我冇野講, 問題係浪卡現在真係近距離吹近香港! 天文台隱惡揚善, 實在令小市民失望, 納稅人浪費咁多金錢, 卻得不到真實既預報, 有先進既設備, 封建既思維, 天文台...休矣!!」 雖然個別人士的評論算不上完全反映港人心態，但不能否認香港有唔少哩類人。 有部份高知識水平的香港人自詡理性，其實又會唔會係極端陰謀論， 甚至係以小人之心度君子之腹呢？ 要晝近香港唔難，最好一年364日都畫定個「直趨香港」的預報圖， 總有一日會中 . . . 但係咁樣有意義咩？ 天文台每次畫預報圖，都係以當下的實際情況、數據與類似經驗作參考。 比如一隻紙船沿著湍急的河流飄浮，0:00在起點出發，要你預測路徑， 除左最基本要知道水流速度、河流坡度同風阻哩d大範圍因素， 仲要諗下可能中途有石頭、魚、濺起水花的細微干擾。 正所謂差之毫釐，謬之千里，你好有信心話我知1分鐘去到100m，我都唔會信。 上高引述的評論最大指控係「隱惡揚善」和「得不到真實既預報」， 難道「直趨香港」屬惡，不到香港就是善?! 如果預報基數真係可以100%話俾大家知，風暴會於香港近距離掠過， 天文台會唔公佈？ 哩點其實要睇 . . . 1.天文台會唔會公佈 2.市民有無聽得入耳 3.市民自己有無防備 仲有，邊個要真實既預報，麻煩佢同天神/造物者聯絡， 我都好樂意得到哩d「官方」預報。 星期四聽聞又有「預言8號風球」的電郵散播，真係希望政府可以監管下。 「瀚仔你夠有做預報啦」我唔會再估訊號發出時間，一來涉及法律問題， 二來天氣實況才是重點，不應該聚焦於人手發出的訊號上。 今次我追住個風做路徑預測，得到更毚的經驗，下次再做好d。 | 
